ԱՄՓՈՓ ՆԿԱՐԱԳԻՐ
Եվրասիա հիմնադրամն (ԵՀ) ընդունում է փոքր դրամաշնորհային ծրագրերի անհատական հայտադիմումներ Հայաստանում և Մոլդովայում բնակվող հաշմանդամություն ունեցող երիտասարդներից։ Երիտասարդական առաջնորդության ջատագովության նախաձեռնությունները նպատակ ունեն առաջխաղացնելու համակարգային քաղաքականություններն ու գործողությունները, որոնք ուղղված են ներքոգրյալ կետերից մեկին կամ մի քանիսին․
- Արդարադատության մատչելիության բարձրացում
- Քաղաքական գործընթացներին մասնակցության բարձրացում և արդյունավետ կառավարում
- Հաշմանդամություն և կլիմայի փոփոխություն
- Հանրային տարածքների մատչելիություն
- Առողջապահության, ներառյալ սպորտի հասանելիություն
- Ներառական կրթություն
- Ապաինստիտուցիոնալացում
Նախագծերը պետք է իրականացվեն 6 ամսվա ընթացքում, առավելագույնը 2800 ԱՄՆ դոլարի սահմանում։ Նախագծերը պետք է առաջնորդվեն երիտասարդների կողմից, երիտասարդների համար։ Առաջնահերթությունը կտրվի․
- ենթակառուցվածքների, ծառայությունների և համակարգերի շրջանում խնդիրների լուծմանը և հաշմանդամություն ունեցող երիտասարդների կյանքի բարելավմանն ուղղված ջատագովության նախաձեռնություններին,
- հաշմանդամություն ունեցող երիտասարդների սոցիալ-տնտեսական և քաղաքական ինտեգրմանը նպաստող հզորացման նախագծերին,
- իրենց համայնքներում որոշումների կայացման գործընթացում և երիտասարդ ընտրազանգվածի կարիքներին ուղղված գործողություններում երիտասարդների ներգրավվածությանը նպաստող նախագծերի։
Ընտրված մասնակիցները կկցվեն հաշմանդամություն ունեցող անձանց կազմակերպության, որը նախագծի ընթացքում մենթորության և առաջնորդության հնարավորություններ կընձեռի երիտասարդներին։
Ջուդի նախաձեռնությունը ծրագիր է հաշմանդամություն ունեցող անձանց իրավունքների ակտիվիստ հայ և մոլդովացի 18-30 տարեկան երիտասարդների համար, որոնք փնտրում են հաշմանդամություն ունեցող անձանց իրավունքների ոլորտում կարողությունների զարգացման և ջատագովություն հնարավորություններ։ Հայտերի ընդունման վերջնաժամկետն է 2024թ․ հուլիսի 31, չորեքշաբթի՝ 23:59 EDT:
ՈՎՔԵՐ ԿԱՐՈՂ ԵՆ ԴԻՄԵԼ
Հայտադիմում կարող են ներկայացնել18-30 տարեկան երիտասարդներ Հայաստանից և Մոլդովայից, որոնք նույնականացնում են իրենց որպես հաշմանդամություն ունեցող և հետաքրքրված են հաշմանդամություն ունեցող անձանց իրավունքների ջատագովությամբ։
ԴԻՄԵԼՈՒ ԸՆԹԱՑԱԿԱՐԳ
Ջուդի նախաձեռնության դրամաշնորհային մրցույթին մասնակցելու համար անհրաժեշտ է լրացնել ամբողջական առցանց հայտադիմումը։ Մանրամասների համար խնդրում ենք ծանոթանալ «Հայտադիմումների և իրականացման ուղեցույց» փաստաթղթին։ Հայտադիմումի բոլոր նյութերը պետք է ներկայացնել մինչև 2024թ․ հուլիսի 31, չորեքշաբթի՝ 23:59 EDT:
Հայտաձևը հասանելի է Ջուդի նախաձեռնության վեբկայքում։
Առցանց հայտադիմումները կարող են ներկայացվել հայերեն կամ ռումիներեն լեզուներով։
Հայտադիմումն ուղարկելուց հետո դիմողները նշված էլեկտրոնային հասցեին կստանան գրավոր ծանուցում։
Հայտադիմումը լրացնելիս որևէ դժվարության բախվելիս խնդրում ենք գրել [email protected] հասցեին։
Այս մրցույթի շրջանակում ներկայացված նյութերը և փաստաթղթերը վերադարձի ենթակա չեն, Եվրասիա հիմնադրամի կողմից դիտարկման ընթացքում դրանց գաղտնիությունը երաշխավորվում է։ Եվրասիա հիմնադրամը ներկայացված հայտերն օգտագործելու է բացառապես դիտարկման նպատակով և չի տրամադրելու տեղեկություն որևէ արտաքին անձանց կամ հաստատությունների, բացառությամբ այն դեպքերի, երբ դա պահանջվում է ԱՄՆ, հայկական կամ մոլդովական օրենքով, կամ Եվրասիա հիմնադրամի հետ դոնոր կազմակերպությունների պայմանագրով։
ԾՐԱԳՐԻ ԺԱՄԱՆԱԿԱՑՈՒՅՑ
Հայտադիմումների ընդունման վերջնաժամկետ՝ հուլիսի 31, 2024
Ծանուցում որոշման մասին*՝ օգոստոսի կես, 2024
Նախագծի մեկնարկ*՝ սկսած 2024թ․-ի սեպտեմբերի 1-ից
Նախագծի ավարտ՝ մինչև 2025թ․ փետրվարի 28
*Խնդրում ենք նկատառել, որ նշված ժամկետները մոտավոր են և ենթակա են փոփոխության
ԳՆԱՀԱՏՄԱՆ ԵՎ ԸՆՏՐՈՒԹՅԱՆ ՉԱՓԱՆԻՇՆԵՐ
Ընտրության չափանիշները կարող են ներառել․
- Հաշմանդամությանը և/կամ հաշմանդամություն ունեցող անձանց իրավունքներին առնչվող թեմա։ Գնահատվում է նախագծի համապատասխանությունը հաշմանդամությանն առնչվող որոշակի թեմաներին կամ իրավունքներին։ Դիտարկվում է, թե որքանով է առաջարկվող նախաձեռնությունը համահունչ հաշմանդամություն ունեցող անձանց իրավունքների ջատագովության և իրավունքների պաշտպանության սկզբունքներին։
- Հաշմանդամության տեսակների բազմազանություն։ Գնահատվում է նախագծի ներառականությունը՝ հաշվի առնելով, թե ինչպես է այն անդրադառնում հաշմանդամության տարբեր տեսակներին։ Արդյոք առաջարկվող գործողությունները վերաբերո՞ւմ են տարբեր տեսակի հաշմանդամությունների՝ ապահովելով հաշմանդամություն ունեցող բոլոր անձանց ներկայացվածություն և հավասար հնարավորություններ։
- Աշխարհագրական բազմազանություն։ Գնահատվում է նախագծի հասանելիությունը աշխարհագրական տարբեր վայրերում։ Ներառու՞մ են արդյոք առաջարկվող գործողությունները տարբեր տեղանքներ՝ ապահովելով հավասար հասանելիություն և ազդեցություն տարբեր համայնքներում և միջավայրերում։
- Փոփոխություն բերելու ներուժ։ Գնահատվում է նախագծի՝ նշանակալի և կայուն փոփոխություն բերելու ներուժը։ Դիտարկվում է առաջարկվող գործողությունների արդյունքում հաշմանդամությանը վերաբերող քաղաքականություններում, գործողություններում, հասարակության վերաբերմունքի մակարդակով շոշափելի փոփոխությունների և հաշմանդամություն ունեցող անձանց համար դրական արդյունքների հավանականությունը։
- Գենդերային ներառականություն։ Գնահատվում է նախագծի մոտեցումը գենդերային ներառականությանը։ Առաջարկվող գործողությունները նկատառե՞լ են հաշմանդամություն ունեցող անձանց համայնքում բոլոր գենդերների անհատների յուրահատուկ կարիքներն ու փորձառություններն՝ ապահովելով հավասար մասնակցություն և հզորացման հնարավորություններ։
- Իրագործելիություն։ Գնահատվում է առաջարկվող նախագծի իրականացման գործնականությունն ու կենսունակությունը։ Դիտարկվում են այնպիսի գործոններ, ինչպիսիք են ռեսուրսների հասանելիությունը, լոգիստիկ առանձնահատկությունները և պոտենցիալ մարտահրավերները՝ գնահատելու համար, թե արդյոք նախագիծը կարո՞ղ է արդյունավետորեն իրականացվել սահմանված ժամկետների և բյուջեի շրջանակներում։
Հարցերի դեպքում խնդրում ենք գրել [email protected] էլ․ հասցեին։